ഒരു പുരയിടത്തിൽ നിലനിൽക്കുന്ന വീടുപൊളിച്ച് പുതിയവീട് വയ്ക്കുന്നതിൽ കുഴപ്പമുണ്ടോ? അങ്ങനെ ചെയ്യുമ്പോൾ ശ്രദ്ധിക്കേണ്ടത് എന്തൊക്കെയാണ്?

ചോദ്യം: ഒരു പുരയിടത്തിൽ നിലനിൽക്കുന്ന വീടുപൊളിച്ച് പുതിയവീട് വയ്ക്കുന്നതിൽ കുഴപ്പമുണ്ടോ? അങ്ങനെ ചെയ്യുമ്പോൾ ശ്രദ്ധിക്കേണ്ടത് എന്തൊക്കെയാണ്?

ഉത്തരം: ഒരു വീട് ഇരുന്ന സ്ഥലത്ത് പൊളിച്ച്പുതിയ വീട് പണിയുന്നതിൽ കുഴപ്പമൊന്നുമില്ല. എന്നാൽ പഴയവീട് നിന്നിരുന്ന സ്ഥലത്തിന് അതിര് വ്യത്യാസം വന്നിട്ടുണ്ടെങ്കിൽ അതും കൂടി പരിഗണിച്ച് വേണം പുതിയത് പണിയേണ്ടത്. ഉദാഹരണമായി കിഴക്ക് ദർശനം ഉണ്ടായിരുന്ന വീട് പൊളിച്ച് വടക്കോ തെക്കോ ദർശനം ആയി പണിയുമ്പോൾ (നിലവിലുള്ള വഴിയോ റോഡോ പരിഗണിക്കുമ്പോൾ) ചുറ്റും വിടുന്ന സ്ഥലത്തിന് ദർശനം അനുസരിച്ച് ഓരോ വശത്തും അളവിൽ മാറ്റം വരുത്തണം. അതുപോലെ വീടിന്റെ വലിപ്പം പഴയതിനേക്കാൾ ചെറുതോ വലുതോ ആയാൽ അതിന് അനുസരിച്ച് മേൽപ്പറഞ്ഞ അളവുകൾ മാറ്റം വരുത്തണം.